Bu ilki Həcc mərasimində İslam qanunlarını tapdayaraq hicabsız şəkildə Peyğəmbər məscidində kişilərlə yan-yana namaz qılan qızın fotosu sosial şəbəkələrdə qalmaqal yaradıb. Prezidentlərin və digər böyük vəzifəli şəxslərin xanımlarının adi məscidlərə daxil olarkən hicab bağladıqları bir halda İslamın ən əsaslı ayinlərindən olan Həcc mərasimində, Allahın evinin kənarında, Peyğəmbər məscidində hicabını açan qızın bu hərəkətini bir çoxları tərbiyəsizlik adlandırıblar.
Daha sonra məlum olub ki, fotonun sahibi Livanın keçmiş baş naziri Sədud-din Həririnin qızı Lolo Həriridir. Həriri isə Ərəbistanın müttəfiqlərindən hesab olunur.
Bir çox şiə ölkələrin Həcc mərasiminə gəlməsinə qadağa qoymuş Səudiyyə Ərəbistanının Həccdə belə bir hörmətsizliyə göz yumması da müsəlmanlar tərəfindən şiddətlə qınanıb.(SizinYol)
