Əli Əhmədov: “Azərbaycan ailələri gələcəyə daha ümidlə baxa bilər”

Gələcəklə bağlı böyük ümidlər formalaşdıran əsas meyarlardan biri Azərbaycan iqtisadiyyatının şaxələndirilməsi və bu sahədə geniş fürsətin aydın şəkildə müşahidə olunmasıdır. 
 
Bizim.Media xəbər verir ki, bunu parlament sədrinin birinci müavini Əli Əhmədov Milli Məclisdə bu gün keçirilən komitə iclaslarında 2027-ci il büdcə zərfinin müzakirəsi zamanı deyib.
 

Deputat bildirib ki, 2026-cı il dövlət büdcəsində sosial xərclər, xərclərin ümumi büdcə xərclərinin təxminən 41%-ni təşkil etdiyi halda, 2027-ci il dövlət büdcəsində bu xərclərin 44%-dən artıq olacağı proqnozlaşdırılır.

"Ümumilikdə sosial sahəyə ayrılan büdcə vəsaitlərinin artım tempi büdcənin ümumi gəlirlərini və xərclərini artım tempini üstələyir ki, bu da Azərbaycanın Prezident İlham Əliyevin rəhbərliyi altında sosial dövlət modelinin daha ciddi iqtisadi əsaslara, büdcə əsaslarına istinad etdiyini  gələcəkdə daha da gücləndirələcəyinin sübut edilən çox ciddi faktlardır.

Güman edirəm ki, Azərbaycan vətəndaşları gələcəyə daha ümidlə baxa bilirlər, çünki ildən-ilə Azərbaycanın iqtisadiyyatının inkişafı insanlarımız üçün ayrıla biləcək dövlət vəsaitlərinin həcmlərini artırmağa imkan verir ki, bu da hər bir Azərbaycan ailəsinin rifahının yaxşılaşmasına kömək edir" , - deyə o qeyd edib.
 
Günay Şahmar, Bizim.Media