Ağstafada geyim mağazasında mübahisə qanla nəticələnib.
Bizim.Media-nın yerli bürosunun məlumatına görə, hadisə şəhərin mərkəzində baş verib.
Mağaza sahibinin müştərilərdən biri ilə aralarında narazılıq yaranıb. Onlar arasındakı mübahisə sonradan davaya çevrilib.
Mağaza sahibi, 1991-ci il təvəllüdlü Rəşad Hacıyev Babək Hüseynova ürək nahiyəsindən kəsici-deşici alətlə xəsarət yetirib.
Yaralı Qazax Rayon Mərkəzi Xəstəxanasına yerləşdirilib.
Faktla bağlı Ağstafa Rayon Polis Şöbəsində araşdırma başlanılıb.
Məqsəd Rəhimov, Bizim.Media, Qərb bürosu
