“ASAN Xidmət” daha hansı ölkələrdə açılacaq? – ADLAR

Bu ilin 14 yanvar tarixində Pakistanın İslamabad şəhərində “ASAN xidmət” mərkəzinin açılış mərasimi keçirilib. Açılış mərasimində qeyd olunub ki, hazırda 6 ölkədə (Uqanda, Özbəkistan, İndoneziya, Əfqanıstan, Efiopiya və Pakistan) “ASAN xidmət” modeli əsasında mərkəzlər fəaliyyət göstərir.

ASAN intellektual məhsulu başqa hansı ölkələrə ixrac ediləcək?

Bizim.Media xəbər verir ki, mövzu ilə bağlı ASAN Xidmətdən bildirilib ki, Dövlət Agentliyi 30-dan çox ölkə və beynəlxalq təşkilatla müqavilə imzalayıb.

Bu çərçivədə, Birləşmiş Ərəb Əmirlikləri, Pakistan İslam Respublikası, Qırğız Respublikası, Qazaxıstan Respublikası, Efiopiya Federativ Respublikası, Özbəkistan Respublikası, Rumıniya, İndoneziya, Kolumbiya, Kamboca, Seneqal, Ruanda, Uqanda və s. kimi ölkələrin müvafiq sahələr üzrə fəaliyyət göstərən qurumları, eləcə də Birləşmiş Millətlər Təşkilatı, ICESCO və İslam İnkişaf Bankı (IsDB) ilə ASAN modelinin ixracı ilə bağlı imzalanmış sazişləri qeyd etmək olar.

"Ölkəmizin intellektual brendi olan “ASAN xidmət” təcrübəsi Avropa, Asiya və Afrika qitəsindən sonra Amerika qitəsində də tətbiq olunacaq", - deyə açıqlamada qeyd olunub. (Modern.az)

Bizim.Media