İki gün öncə Mirzə Sakit mətbuata açıqlamasında “Milli Şuraya “Yasin” oxusunlar” deməklə kifayətlənməyərək AXCP-ni də ittiham etmişdi. O həm Əli Kərimlinin, həm də təşkilatın mətbuat xidmətinin rəhbəri Natiq Güləhmədoğluna tikanlı sözlər demişdi: “Bir də görürsən ki, skandal yarananda mətbuat xidmətinin rəhbərini “Troya atı” kimi qabağa verirlər. Amma qarşı tərəf baxır ki, həmin “Troya atı”nın içindən silahlı əsgərlər yox, quruldayan qurbağalar tökülüşürlər.”
Natiq bəysə
Moderator.az-a açıqlamasında şairin onu “quruldayan qurbağa” adlandırmasına təmkinli
reaksiya bildirərək hətta onun haqqında bir orijinal arzuda da bulundu:
“Mən Mirzə Sakiti ciddiyə almıram. O “Azadlıq”
qəzetindən “donos” yazdığına görə doğma qardaşı Qənimət Zahidin əmri ilə işdən
çıxarılıb. İşdən də çıxıb Avropaya qaçıb. Məncə o həyatın xoş məcrada davam etdirsin,
yersiz, mənasız söz atmaların tərgitsin. Yazı-pozu ilə məşğul olub Avropada
kitab çıxarsın və mən ona Nobel mükafatı almaq arzulayıram.”
