Siyasi partiyalar Gözəl Bayramlının həbsini pislədi

Mayın 29-da Azərbaycanda fəaliyyət göstərən bir qrup partiya sədri toplantı keçirib.xa0

Toplantıda ölkədə və beynəlxalq aləmdə baş verən hadisələr ətrafında fikir mübadiləsi aparılıb. 28 may Respublika günü münasibəti ilə Cümhuriyyətimizin banisi M. Ə. Rəsulzadənin abidəsi önündə keçirilən tədbir qənaətbəxş sayılıb. 2018- ci ildə Azərbaycan Demokratik Respublikasının elan olunmasının 100 illiyinə hazırlıqla bağlı müzakirələrin başlanması məqsədəuyğun sayılıb. AXCP sədrinin müavini Gözəl Bayramlının həbsi ilə bağlı xüsusi bəyanat qəbul edilib.

Bəyanatda deyilir:xa0

“Siyasi Partiyalar Gözəl Bayramlının qondarma olması açıq aşkar görünən ittihamla həbs edilməsini siyasi müxalifətə qarşınövbəti təqib aktı kimi dəyərləndirir, bu həbsi qətiyyətlə pisləyir və Gözəl Bayramlının dərhal azad olunmasın tələb edirlər. Dövlətin və vətəndaşların milyonlar və milyardlarla dollar dəyərində pulların talan edərək xaricə daşıyan iqtidar mənsubları və onların yaxınlarının azadlıqda gəzdiyi halda bir müxalifət lideri xanımın guya ölkəyə 12 min dollar gətirdiyi ittihamı ilə həbsə atılması qəzəb və hiddət doğurmaya bilməz. Siyasi partiyalar son dövrdə qadınların siyasi motivlərlə həbsə alınması faktlarının çoxaldığına diqqəti cəlb edirlər və bildirirlər ki, Azərbaycan xalqının milli əxlaqi dəyərlərinə yad olan bu hal mövcud iqtidarın həm də mənəvi tənəzzülünün göstəricisidir.”x9d

Toplantıda KXCP sədri M. Mirəlioğlu, ADP sədri S. Cəlaloğlu, Azadlıq Partiyasının sədri ə. Oruc, Aydınlar Partiyasının sədri Q. Əlibəyli, Ağ Partiya sədri T. Abbaslı, BAP sədri E. Musayev və AXPxa0sədri P. Hüseyn iştirak edib.