Fövqəladə Hallar Nazirliyi (FHN) gözlənilən güclü küləklə əlaqədar əhaliyə müraciət ünvanlayıb. Bu barədə Bizim.Media-ya FHN-in mətbuat xidmətindən məlumat verilib. Bildirilib ki, Milli Hidrometeorologiya Xidmətinin məlumatına görə, iyulun 27-si və 28-də ölkə ərazisində güclü küləyin əsəcəyi proqnozlaşdırılır. Bununla bağlı FHN əhaliyə müraciət edərək, müvafiq təhlükəsizlik qaydalarını bir daha xatırladıb.   Belə ki, yay fəslində insanların istirahət üçün çimərliklərə üz tutduğu nəzərə alınaraq xatırladılıb ki, küləkli havada dənizə girmək çox təhlükəlidir. Həmçinin kiçikhəcmli gəmi istifadəçiləri belə hava şəraitində dənizə çıxmağın qadağan olduğunu nəzərə almalıdırlar. ...