İrəvan Ağsaqqallar Şurasının (şəhər meriyası) iyunun 23-də keçirilən iclasında hakim "Mülki Müqavilə" partiyasının təmsilçiləri ilə müxalifət üzvləri arasında kütləvi dava düşüb.
Bizim.Media xəbər verir ki, insidentə müxalif "Ana Ermənistan" blokunun fraksiya üzvlərinin hakim partiyanı seçki pozuntularında ittiham etməsi səbəb olub.
Müxalifətin bu ittihamlarına İrəvanın vitse-meri Armen Pambuxçyanın verdiyi kəskin reaksiya vəziyyəti gərginləşdirib. Pambuxçyan çıxışında "Ana Ermənistan" partiyasının lideri Andranik Tevanyanın dövlətə xəyanətdə ittiham olunduğunu iddia edərək müxalifətçilərə "səsinizi kəsin" xəbərdarlığını edib.
Bu sözlərdən sonra başlayan şifahi atışma qısa müddətdə əlbəyaxa davaya çevrilib. Tərəflər bir-birinə qarşı "plastik su butulkalarından" istifadə ediblər. Yaranan kütləvi qarşıdurma səbəbindən paytaxtın nümayəndəli orqanının iclasında məcburi fasilə elan olunub.
Bizim.Media
