Rəsmi Moskva: Ukrayna ilə bağlı heç bir güzəşt olmayacaq

Rusiya rəhbərliyi sülh danışıqları ilə bağlı əsas məsələlərdə kompromisə getmək niyyətində deyil. 

Bizim.Media xəbər verir ki, bu barədə Rusiya xarici işlər nazirinin müavini Sergey Ryabkov Rusiya-Ukrayna müharibəsinin tənzimlənməsi üzrə mümkün razılaşma ilə bağlı mövcud müzakirələri şərh edərkən danışıb.

O vurğulayıb ki, sülh planının müxtəlif variantlarına “danışıqlar elementi” kimi baxmaq olar, lakin bu, güzəşt etməyə hazır olmaq demək deyil.

“Bizim üçün əsas məsələlərin həllinə, o cümlədən hərbi əməliyyatlar kontekstində qarşımıza qoyulan tapşırıqlara dair mövqelərimizdən geri çəkilməkdən, güzəşt etməkdən söhbət gedə bilməz”, — deyə Ryabkov qeyd edib.

Nazir müavini əlavə edib ki, Rusiya tərəfi Ukraynadakı münaqişənin həlli ilə bağlı ayrı-ayrı təklifləri ictimai şəkildə müzakirə etməyə hazır deyil.

Bizim.Media