Ağdamda valideynləri tərəfindən zorakılığa məruz qalan uşaq müəssisəyə YERLƏŞDİRİLDİ - FOTO

Bir müddət öncə Ağdamda valideynləri tərəfindən zorakılığa məruz qaldığı iddia edilən uşaq müəssisəyə yerləşdirilib.

Bizim.Media xəbər verir ki, bu barədə oxu.az-a Sosial Xidmətlər Agentliyindən məlumat verilib.
 

MÖVZU İLƏ BAĞLI:

Ağdamda ata-ananın ölümcül hala saldıqları körpə KOMADADIR

Məlumatda bildirilib ki, agentliyin əməkdaşları Ağdamda valideynləri tərəfindən zorakılığa məruz qaldığı iddia edilən uşaqla bağlı məlumat daxil olduğu ilk andan prosesə cəlb ediliblər:

"Aparılan qiymətləndirmənin nəticəsinə əsasən, iki azyaşlı qardaş aidiyyəti qurumlarla koordinasiyalı şəkildə səhiyyə müəssisəsinə yerləşdirilərək müayinə və müalicə prosedurlarına cəlb edilib.

Ötən dövrdə agentlik tərəfindən hər iki uşağın vəziyyəti diqqətdə saxlanılıb və azyaşlıların mənafeyinə uyğun addımların atılması məqsədilə aidiyyəti qurumlarla iş aparılıb. Müvafiq tibbi xidmətlər göstərilən azyaşlılardan biri müalicə və müayinələri bitdikdən sonra körpələr evinə, digəri isə reabilitasiya prosesinin davam etdirilməsi məqsədilə Səhiyyə Nazirliyinin müvafiq müəssisəsinə yerləşdirilib".

Xatırladaq ki, sözügedən hadisə avqustun 27-də qeydə alınıb. Həmin vaxt Ağdamın Xındırıstan kəndində iki azyaşlı uşaq (iki və üç yaş) valideynləri tərəfindən döyülərək xəsarət almışdı.

Bizim.Media