Ukrayna ABŞ-ın təklif etdiyi sülh sazişi layihəsinə razılıq verdi - FOTO

Rəsmi Kiyev ABŞ-ın təklif etdiyi sülh sazişi layihəsinə razılıq verib, yalnız “əhəmiyyətsiz detalların” son tamamlanmaya saxlanıldığını bildirib.

Bizim.Media xəbər verir ki, bu barədə amerikalı rəsmiyə istinadən CBS News məlumat yayıb.

Mənbənin sözlərinə görə, Kiyev artıq sənədin əsas maddələri üzrə Vaşinqtonla prinsipial şəkildə anlaşmaya gəlib. Hazırda tərəflər daha çox texniki və detallı məsələləri – tətbiq mexanizmlərini və prosedurları yekunlaşdırırlar.

Rəsmi mənbə qeyd edib ki, Ukraynanın razılığı danışıqlar prosesində irəliləyiş hesab olunur və sənədin son nüsxəsinin yaxın vaxtlarda ABŞ, Ukrayna və digər tərəflər arasında razılaşdırılması gözlənilir.

Beləliklə, Ukrayna tərəfi ABŞ-ın təqdim etdiyi çərçivəni qəbul edib, indi söhbət yalnız son düzəlişlərdən və redaktə mərhələsindən gedir.