Millimizin Fransa SINAĞI – “Futbolçularımız əzmkar mübarizə aparsa...”

“Biz dünyanın ən güclü komandalarından birinə qarşı oynayacağıq. Fikrimcə millimiz Fransaya qarşı əzmkar mübarizə aparmalıdır”.

Bu sözləri Bizim.Media-ya açıqlamasında futbol eksperti Ceyhun Sultanov deyib. 

Onun sözlərinə görə millimiz Fransaya qarşı dağınıq futbol göstərməməlidir:

“Oyunla bağlı çox şey demək olmur. Çünki bilirik ki, kimlərə qarşı oynayacağıq. Ayxan Abbasova uğurlar arzulayıram. Ən azından futbolçularımız əzmkar mübarizə aparmalıdır. Bilirik ki, keyfiyyət baxımından biz onlardan çox geri qalırıq. Əzmkarlıq və sərt müdafiə ilə bəlkə də nəyəsə nail olmaq olar. Əsas odur ki, dağınıq bir komandamız olmasın. Futbolçular məşqçinin verdiyi tapşırıqları yerinə yetirsinlər. Mən bilirəm ki, Ayxan Abbasov komanda şəklində müdafiə olunmağı bacarır. Çətin oyun olacaq. Ancaq hər şey meydanda həll olunur. Futbolçularımıza uğurlar arzulayıram”

Rəşad Rafiqoğlu, Bizim.Media