Semyon Bağdasarov: “Ermənistan erməni xalqının milli ocağı kimi ləğv olunacaq” – VİDEO

“Önümüzdəki həftə və aylarda Ermənistan və Türkiyə arasında gərgin danışıqlar gözlənilir. Erməni soyqırımında (bu, erməni millətçilərinin 100 ildən çoxdur ki, irəli sürdüyü bir iftiradır) günahkar olan ölkə ilə hansı danışıqlar apara biləcəyini anlamaq çətindir”.

Bizim.Media xəbər verir ki, bu fikirləri “Solovyov live” proqramında Yaxın Şərq və Mərkəzi Asiya Araşdırmaları Mərkəzinin direktoru, erməni politoloq Semyon Bağdasarov səsləndirib.
 

MÖVZU İLƏ BAĞLI:

Erməni politoloqdan sərsəm açıqlama: “Türkiyə Qafqazın iki ölkəsini nəzarətə götürəcək”

“Bunu deməyə nifrət edirəm, amma təəssüf ki, belədir. Hər şey bu istiqamətdə davam edərsə, Ermənistan erməni xalqının milli ocağı kimi ləğv olunacaq.

Bugünkü Ermənistan bütün tarixi Ermənistanın cəmi 7%-ni təşkil edir. Üstəlik, Türkiyə bu dəfə silahdan istifadə etmək məcburiyyətində qalmayacaq. Ərdoğan Ermənistan iqtisadiyyatını udmaqla istədiyinə nail olacaq”, deyə o, qeyd edib.

Bizim.Media