Ukraynadan təkzib gəldi: “Rusiya qazını tranzit etmirik”

“Rusiyanın "Qazprom" şirkətinin Ukrayna üzərindən Macarıstana qaz tranzitini bərpa etməsi ilə bağlı məlumatlar həqiqətə uyğun gəlmir”. 

Bizim.Media xəbər verir ki, bu barədə "Operator GTS of Ukraine" şirkətinin rəhbəri Sergey Makoqon “Facebook” səhifəsində məlumat verib.

Serqey Makoqonun sözlərinə görə, indi həqiqətən də Ukraynadan Macarıstana kiçik bir qaz axını var, lakin bu tranzit deyil, Ukraynanın yeraltı qaz anbarlarında saxladıqları qazın yenidən ixracıdır. 

Xatırladaq ki, bu gün “GTS FGSZ” -in Macarıstan operatorunun saytında Ukrayna ərazisindən Macarıstana qaz tranzitinin yenidən başlandığı barədə məlumatlar yayılıb. 

"Qazprom"-dan isə açıqlanıb ki, Macarıstanla bağlanmış müqavilə üzrə öhdəliklərin yerinə yetirilməsinə başlanılıb. 

Xatirə, Bizim.Media