Tibbdə inqilabi KƏŞF – Daun sindromunun müalicəsi mümkün ola bilər

Yaponiyalı alimlər Daun sindromu ilə əlaqəli 21-ci xromosomun artıq nüsxəsini zəiflətmək və ya tamamilə aradan qaldırmaq imkanını verə biləcək yeni genetik texnologiyalar üzərində işləyirlər.

Bizim.Media xarici KİV-ə istinadən xəbər verir ki, tədqiqat CRISPR əsaslı genom redaktəsi metodlarına yönəlib.
 

Nəticələr hələlik eksperimental mərhələdədir və insanlar üçün tətbiq edilə bilmir. Bununla belə, mövzu ətrafında geniş müzakirələr başlayıb. Bəziləri bu yanaşmanı genetik xəstəliklərin qarşısının alınmasında inqilabi addım kimi qiymətləndirir, digərləri isə insan embrionlarının dəyişdirilməsi ilə bağlı etik narahatlıqlara diqqət çəkir.

Mütəxəssislər vurğulayırlar ki, elmi nəticələr ümidverici olsa da, kliniki tətbiqə keçid hələ çox uzaqdır. 

Ümumilikdə isə bu araşdırma yeni nəsil gen mühəndisliyinin həm böyük potensialını, həm də mübahisəli məqamlarını üzə çıxarır.

Bizim.Media