Rusiyaya qarşı futbol sanksiyaları ləğv olunur?

Aprelin 3-də Belqradda UEFA-nın Konqresi keçiriləcək.

Bizim.Media xəbər verir ki, tədbir zamanı qeyri-rəsmi söhbətlərdə Avropa futbol rəsmilərinin rusiyalı həmkarları ilə Rusiya milli komandaları və klublarını beynəlxalq arenaya necə və nə vaxt qaytaracaqlarını müzakirə edəcəkləri gözlənilir.

İngiltərənin "The Independent" nəşri Rusiyanın beynəlxalq futbol oyunlarında iştirakına icazə verilməsi üçün atılan addımlar barədə məlumat yayıb. Rusiya Futbol İttifaqının rəhbəri Aleksandr Dyukovun sözlərinə görə, belə bir qərar artıq bu il verilə bilər.

Bununla belə, “The Independent” yazır ki, Rusiya komandalarına qarşı “futbol” sanksiyaları yalnız “gözlənilən atəşkəsdən” sonra ləğv ediləcək. Hər halda, yüksək rütbəli idman rəsmiləri artıq Rusiyanın təkcə futbola deyil, digər idman növlərinə də qayıtması üçün yol xəritəsi üzərində işləyirlər.

2022-ci ildə Ukraynada hərbi əməliyyatlar başlayandan bəri futbol üzrə Rusiya yığması yalnız yoldaşlıq görüşlərində çıxış edir - əsasən Asiya və Afrikadan olan rəqiblərlə ümumilikdə 16 oyun keçirilib.

Bizim.Media