Lider uduzdu, “Gəncə”dən çətin qələbə - FOTO

Bu gün qadın voleybolçular arasında Yüksək Liqada XIII turun oyunları keçirilib.

Bizim.Media xəbər verir ki, bütün qarşılaşmalar Bakıda baş tutub. Günə liderlərin matçı ilə start verilib.

“Milli Aviasiya Akademiyası” və “Abşeron” GİN-in Voleybol Mərkəzində üz-üzə gəlib. Birincilər rəqibə heç bir imkan verməyərək 3:0 hesabı ilə qalib gəliblər. Bundan sonra rəqiblər arasındakı fərq ikiyə enib.

Çempionatın autsayderi UNEC “Azərreyl”ə asan təslim olub. Tura “Murov Az Terminal” - “Gəncə” görüşü ilə yekun vurulub. Gərgin keçən qarşılaşmada qalib 5 setin yekununda müəyyənləşib. Qonaq komanda qələbəni bayram edib.

Yüksək Liqa (qadınlar)

27 fevral

XIII tur

16:00. “Milli Aviasiya Akademiyası” - “Abşeron” - 3:0 (25:21, 25:22, 25:22)

GİN-in Voleybol Mərkəzi

17:00. UNEC - “Azərreyl” - 0:3 (14:25, 18:25, 15:25)

UNEC VK-nın idman zalı

18:00. “Murov Az Terminal” - “Gəncə” - 2:3 (15:25, 25:19, 23:25, 25:16, 13:15)

GİN-in Voleybol Mərkəzi

Rəşad Rafiqoğlu, Bizim.Media