Şabranda şagirdlər arasında DAVA: Xəsarət alan var - FOTO/VİDEO

Şabran şəhərindəki 1 saylı orta məktəbdə şagirdlər arasında mübahisə olub.

Bizim.Media xəbər verir ki, adı açıqlanmayan 10-cu sinif şagirdi 11-ci sinif şagirdinə xəsarət yetirib.

Məktəblinin Şabran Rayon Mərkəzi Xəstəxanasına yerləşdirildiyi bildirilir.

Quba-Xaçmaz Regional Elm və Təhsil İdarəsindən Bizim.Media-ya faktı təsdiqləyiblər.

Qeyd olunub ki, iki məktəbli arasında dava məktəbdənkənar ərazidə baş verib. Xəsarət alan 11-ci sinif şagirdinin rayon xəstəxanasında müalicəsi davam etdirilir. Faktı Şabran polis şöbəsi araşdırır.

DİN Mətbuat Xidmətinin baş inspektoru, polis baş leytenantı Xəyal Talıbov Şabran şəhərindəki Tofiq Abbasov adına 1 saylı orta məktəbdə yuxarı sinif şagirdıəri arasındakı davaya münasibət bildirib.

“Məktəblilərin arasında baş verən münaqişə ilə bağlı hazırda Şabran Rayon Polis Şöbəsində araşdırma aparılır”, - deyə rəsmi qurumdan qeyd edilib.