Efirdə mahnısı yarıda kəsilən Əbdül Xalid əsəbi halda verilişi TƏRK ETDİ - VİDEO

Müğənni Əbdül Xalid efirdə əsəbiləşərək studiyanı tərk edib. 

Bizim.Media xəbər verir ki, qalmaqallı hadisə “Xeyirli axşamlar” verilişində yaşanıb. 

Belə ki müğənni efirdə oxuduğu zaman fonoqraması kəsilib. Həmin an proqramın aparıcısı Anar Vaqifoğlu “Oxuduğun bura qədər imiş? Axıra kimi yazdırardın da mahnını...” deyə fikrini bildirib. 

Aparıcının bu sözlərinə Əbdül Xalid “Mahnım niyə yarıdan kəsildi ki? Bu nəsə başqa söhbətdir. Bu hötmətsizlikdir, nə isə...” deyərək, əsəbi halda studiyanı tərk edib. 

Onun bu hərəkətinə isə Anar “İndi bədən yığmısan gəl bizi döy... Hara gedirsən?  Sənin oxuduğun budursa, mən nə edim? Bunları tərifləyəndə ulduzlaşırlar və belə görüntü ortalığa çıxır. Sən mənim qonağımsan mən heç istəyərəm ki, belə bir hal baş versin? İllər var, dostluq münasibəti var...” , -deyə aparıcı cavabını verib.