“ABŞ Prezidenti Co Baydenin Rusiya Prezidenti Vladimir Putinlə bağlı bəyanatları biabırçı və utancvericidir”.
Bizim.Media xəbər verir ki, bunu Kremlin mətbuat katibi Dmitri Peskov ABŞ prezidenti Co Baydenin həmkarı Vladimir Putini təhqir etməsinə münasibət bildirərkən deyib.
"Bu cür “boş” bəyanatlar Putinə xələl gətirməyə qadir deyil. Bu, biabırçı və utancvericidir. Aydındır ki, cənab Bayden daxili siyasi maraqlar naminə "Hollivud kovboyu" üslubunda davranış nümayiş etdirir. Bunu çox istəyərdi. Bunun mümkün olduğunu düşünmürəm”, - Peskov bildirib.
Qeyd edək ki, ABŞ Prezidenti Co Bayden San-Fransiskoda qapalı seçki kampaniyasında çıxışı zamanı Rusiya Prezidenti Vladimir Putini ağır ifadələrlə təhqir edib.
Bizim.Media
