Ermənistanın daha bir gizli planı ÜZƏ ÇIXDI - DETALLAR

Baş nazir Nikol Paşinyan İrəvanda Yunanıstan-Kipr-Ermənistan üçtərəfli sammitinə ev sahibliyi etməyə hazır olduğunu bildirib.

Bizim.Media xəbər verir ki, bu barədə “Armenpress” məlumat yayıb. 

Məlumatda deyilir ki, Nikol Paşinyan Yunanıstanda keçirilən parlament seçkilərində qəti qələbə qazanması münasibətilə Yunanıstan Respublikasının baş naziri Kiriakos Mitsotakisə təbrik məktubu göndərib.

Məktubda erməni və yunan xalqları arasında “çoxəsrlik dostluq” ənənələrindən, “mükəmməl ikitərəfli əməkdaşlıq”dan bəhs edən erməni baş nazir yaxın gələcəkdə bu münasibətələrə yeni təkan olacaq addımlar atmağa hazır olduğunu bildirib:

“Bu məqsədlə, biz yaxın vaxtlarda İrəvanda Yunanıstan-Kipr-Ermənistan üçtərəfli sammitini keçirməyə hazır olduğumuzu təsdiqləyirik”.

Surxay Atakişiyev, Bizim.Media