“Murov”la qarşılaşmada -“Neftçi”nin voleybolçuları MƏĞLUB OLDULAR - FOTO 

Bu gün kişi voleybolçular arasında Azərbaycan Yüksək Liqasında daha bir oyun keçirilib. I tur çərçivəsində “Murov” “Neftçi” ilə üz-üzə gəlib.  

Bizim.Media xəbər verir ki, Voleybol Mərkəzində təşkil olunan qarşılaşmaya üstün başlayan “Neftçi” ilk setdə 25:20 hesabı ilə qalib gəlib.  

İkinci hissədən təşəbbüsü ələ alan “Murov” sonrakı setlərdə 25:15, 25:17 və 25:14 hesabı ilə qələbə qazanıb – 3:1.  

Bununla da ilk turdan sonra aktivinə 3 xal yazdıran “Xarı bülbül” və “Murov” turnir cədvəlində 1-ci və 2-ci yerdə qərarlaşıblar. “Neftçi” və MOİK isə turu xalsız başa vurub. 

Azərbaycan çempionatı  

Yüksək Liqa (kişilər) 

I tur 

“Murov” - “Neftçi 3-1 (20:25, 25:15, 25:17, 25:14) 

Rəşad Rafiqoğli, Bizim.Media