Aqil Abbas mənim toyuma pul əvəzinə kitab yazdırmışdı - Mehman Cavadoğlu ilə MÜSAHİBƏ

“Kağız jurnalistikası, kağız ədəbiyyatı, ümumiyyətlə, ifadə caizsə, kağız kitabı dövrü öz qürubunu yaşayır. Nə qədər ağır olsa da, bu həqiqəti qəbul etməyə, reallıqla barışmağa məhkumuq”.

Bizim.Media xəbər verir ki, bu fikirləri tanınmış jurnalist, publisist Mehman Cavadoğlunun “apa.az”a müsahibəsində bildirib.

“Mənim çox zəngin kitabxanam var. İsmayıllıdakı ata evindədir. Bir otaq və qarşısındakı şüşəbəndli balkon başdan-başa kitab şkafları və rəfləridir. Birini 100-150 manata aldığım kitablar var idi.
 

Söhbət sovet dövrünə qadağan olunmuş kitablardan gedir. Bu kitabların bəziləri xaricdən gizli yolla gətirilirdisə, bəziləri bolşevik inqilabından əvvəl, bəzilərisə sovetin ilk illərində nəşr olunmuş, amma sonradan qadağan edilmiş kitablar idi. Kitab alveriylə məşğul olan xüsusi adamlar var idi onlardan, bəzən də “Bukinist”dən alırdıq.

Belə nadir kitablardan birini Aqil Abbas mənim toyuma salmışdı. İndi də rayondakı bəzi qohum və dostlarım onu televizorda görəndə deyir ki, Mehmanın toyuna kitab salan oğlan danışır”, -deyə publisist qeyd edib.

Bizim.Media