İqtisadçı-ekspert Vüqar Bayramov Moderator.az-a açıqlamasında sahibkarlıq fəaliyyəti ilə məşğul olan bəzi şəxslərin vergidən yayınmasını ölkədə sahibkarlıq mədəniyyətinin lazımi səviyyədə olmaması ilə izah edib:
“Azərbaycanda sahibkarlıq mədəniyyəti lazımi səviyyədə deyil. Məhz bu səbəbdən də bəzi sahibkarlar vergidən yayınmağa cəhd edir, müxtəlif üsullarla buna nail olmağa çalışırlar. Halbuki, sahibkarlıq fəaliyyəti ilə məşğul olanlar anlamalıdırlar ki, vergi vermək onların borcudur. Hesab edirəm ki, ölkədə sahibkarlıq mədəniyyətinin artırılmasına ehtiyac var. Çünki bütövlükdə vergi sahəsindəki vəziyyətin yaxşılaşması Vergilər Nazirliyinin həyata keçirdiyi islahatlarla yanaşı, həm də sahibkarlıq mədəniyyətinin yüksəlməsindən asılıdır”.
Seymur Əliyev
