Ter Ştegen Türkiyə millisi ilə oyunu buraxacaq

Almaniya millisinin qapıçısı Mark-Andre ter Ştegen yığmanın düşərgəsini tərk edib. 

Bizim.Media xəbər verir ki, bu barədə Almaniya yığmasının baş məşqçisi Yulian Naqelsmann danışıb.  

O, qolkiperin belindəki  diskomfort səbəbindən düşərgədən ayrıldığını qeyd edib: 

“Mark-Andre ter Ştegen belində kəskin ağrılar hiss etdiyi üçün millinin hər iki oyununu buraxacaq. Sabah o, yenidən Barselonaya uçacaq. Ümid edirəm ki, Ter Ştegen tezliklə sağalacaq və komandasının bir hissəsi kimi meydana qayıdacaq”. 
Xatırladaq ki, noyabrda Almaniya millisi 2 yoldaşlıq oyunu keçirəcək. Sabah Naqelsmannın komandası Türkiyə yığması ilə qarşılaşacaq. Matç Bakı vaxtı ilə saat 23:45-də başlayacaq. Noyabrın 21-də Almaniya millisi Avstriya ilə üz-üzə gələcək. Oyun Bakı vaxtı ilə saat 23:45-də start götürəcək. 

Bizim.Media