Fərid Qayıbov: “Futbol klublarımızın sayı artacaq”

Gənclər və İdman naziri Fərid Qayıbov AFFA-nın Konfransında federasiyanın fəaliyyəti haqqında danışıb. 

Bizim.Media xəbər verir ki, nazir ölkədə futbolun inkişafı üçün birlikdə fəaliyyət göstərmənin vacibliyini vurğulayıb.

"AFFA ilə bərabər çalışmalıyıq və istəyirik ki, klubların sayı daha da artsın. İnanıram ki, bu istiqamətdə işlər gedəcək, klubların sayı artacaq. Yeni stadionlar tikilib. Amma yenə də, bu istiqamətdə işlər görməyimiz lazımdır. FİFA və UEFA-ya minnətdarlıq edirəm ki, federasiyaya dəstək olurlar, klublara kömək edirlər. Futbolun inkişafı üçün töhfə verirlər. Futbol ən populyar idman növüdür. Federasiyanın büdcəsindən bilinir".
Qeyd edək ki, bu gün AFFA-nın növbəti hesabat konfransı keçirilib. Konfransdan sonra İcraiyyə Komitəsinin də iclası baş tutub.

Rəşad Rafiqoğlu, Bizim.Media