"Liverpul" meydana daxil olan azarkeşi cəzalandırdı

İngiltərə Premyer Liqasının 26-cı turunda "Mançester Yunayted"ə qarşı matçda meydana daxil olan "Liverpul" azarkeşi polis tərəfindən saxlanılıb. 

Bizim.Media xəbər verir ki, bu barədə "Sky Sports" məlumat yayıb.  

Mersisayd təmsilçisi isə həmin azarkeşi ev oyunlarını keçirdiyi "Enfild"dən ömürlük uzaqlaşdırıb.

Məhdudiyyət Premyer Liqanın bütün arenalarına da şamil edilə bilər. 

Qeyd edək ki, hadisə 88-ci dəqiqədə Roberto Firminonun komandasının 7-ci qolunu vurmasından sonra olub. Həmin vaxt bir azarkeş meydana çıxıb və qolu qeyd edən "Liverpul" oyunçularına tərəf qaçıb. O, sürüşərək Endryu Robertsonu yerə yıxıb. 

Şotlandiyalı müdafiəçi topuğundan tutaraq yerə düşüb. Lakin o, sonda matçı başa vura bilib. Stüardlar fanatı sakitləşdirib meydandan çıxarıblar. 

Qeyd edək ki, "Livepul" evdə "Mançester Yunayted"ə 7:0 hesabı ilə qalib gəlib. 

Bizim.Media