“Əl-Hilal” Messiyə heç bir təklif göndərməyib - BBC

Argentina və Fransanın "Paris Sen-Jermen" klubunun hücumçusu Lionel Messi Səudiyyə Ərəbistanının "Əl-Hilal" klubuna keçmək təklifi almayıb.

Bizim.Media xəbər verir ki, bu barədə informasiyanı BBC telekanalı ispaniyalı jurnalist Guillem Balageyə istinadən yayıb.

Onun sözlərinə görə, Messi Avropa futbolunda oynamaq və Çempionlar Liqası mövsümündə uğur qazanmaq istəyir.
Bundan əvvəl Argentina millisinin kapitanının atası və agenti Xorxe Messinin oğlunun mümkün transferi ilə bağlı “Əl-Hilal” ilə danışıqlar apardığı bildirilib.

Mənbənin məlumatına görə, Xorxe Messi “Əl-Hilal” təmsilçiləri ilə mövsüm üçün 300 milyon avroluq razılaşma ilə bağlı danışıqlar aparmaq üçün Ər-Riyada uçub.

Messinin Fransa klubu ilə hazırkı müqaviləsi 2023-cü ilin yayına qədərdir. PSJ müqavilənin uzadılması ilə bağlı fəal danışıqlar aparır.
Argentinalının Fransaya köçməzdən əvvəl oynadığı “Barselona” da oyunçu ilə maraqlanır və onunla mümkün qayıdışla bağlı danışıqlar aparmağı planlaşdırır.

Bizim.Media