Seçki məhbusu Zakir İsmayılovun oğlu Tahir İsmayılov və veteran müsavatçı Nizami Sadıxov da qurultayın nəticələrinə və qurultaysonrası narazılara qarşı yeni başqan Arif Hacılının sərgilədiyi münasibətə etiraz əlaməti olaraq Müsavatdan istefa veriblər.
Bu barədə onlar bir az əvvəl Moderator.az-a danışıblar.
Qeyd edək ki, hər iki şəxs Musavatın Suraxanı rayon təşkilatının üzvü olublar və istefalarına səbəb kimi partiyada avtoritar idarəetməni və demokratiyanın boğulmasını göstəriblər. Bu azmış kimi onların söylədiklərinə görə Suraxanı təşkilatında hamı baş verənlədən xəyal qırıqlığı keçirir və kütləvi istefaların baş verəcəyi gözlənilir. Təşkilatın sədri Rövşən Dəmirlidir.
