Rusiyada əsasən Putinin malikanələri qorunur

"Defense Express" nəşrinin məlumatına görə, Rusiya işğalçı ordusu və hərbi-sənaye kompleksi üçün mühüm strateji əhəmiyyət daşıyan Taqanroq şəhəri hava hücumundan müdafiə (HHM) vasitələrindən məhrum olub. Ukrayna Müdafiə Qüvvələrinin zərbələrindən sonra şəhərdə nə "Pantsir", nə də S-300 və S-400 zenit-raket kompleksləri qalıb.

Bizim.Media xəbər verir ki, Ukrayna sərhəddindən cəmi 40 kilometr məsafədə yerləşən Taqanroq Rusiya üçün əsas hərbi-logistik qovşaq və mühüm müəssisələrin – o cümlədən strateji bombardmançı təyyarələrin təmir olunduğu G. M. Beriyev adına TANTK-ın yerləşdiyi ərazidir.

Lakin Rusiya rəhbərliyi ölkənin imicini qorumaq və Moskvanı, həmçinin Putinin malikanələrini qorumaq üçün mövcud HHM vasitələrini paytaxta və digər vacib bölgələrə çəkir.

Xatırladaq ki, daha əvvəl Qərb KİV-ləri də Rusiyada Ukrayna zərbələri fonunda kəskin HHM, xüsusilə də S-300 komplekslərinin çatışmazlığının müşahidə olunduğunu yazmışdı.

Bizim.Media