Kürdəmirdə tövlə və 1000 ot bağlaması yandı – FOTO-VİDEO

Kürdəmirdə vətəndaşa məxsus tövlə və 1000 tay ot bağlaması yanaraq kül olub.

Bizim.Media-nın Aran bürosu xəbər verir ki, hadisə rayonun Qarasu kəndi ərazisində qeydə alınıb.

Belə ki, kənd sakini, 32 yaşlı Xəyal Seyidməmməd oğlu Quliyevə məxsus ümumi sahəsi 136 kvadratmetr olan tövlə içindəki ot bağlamaları ilə birlikdə tamamilə yanıb.

Hadisə yerinə Fövqəladə Hallar Nazirliyinin (FHN) Kürdəmir Rayon Dövlət Yanğından Mühafizə Hissəsinin canlı qüvvəsi və texnikası cəlb olunub.

Yanğın söndürülüb və alovun daha geniş əraziyə yayılmasının qarşısı alınıb.

Faktla bağlı araşdırma aparılır.



Bizim.Media, Aran bürosu