Kürdəmirdə ölümlə nəticələnən yanğın hadisəsi baş verib.
Bizim.Media-nın Aran bürosu xəbər verir ki, hadisə rayonun Yenikənd kəndində qeydə alınıb.
Yanğın kənd sakini Fikrət Eminova məxsus ümumi sahəsi 150 kvadratmetr olan birmərtəbəli evdə baş verib. Hadisə zamanı evdə olan Fikrət Eminov yanaraq dünyasını dəyişib.
Əraziyə FHN-in Kürdəmir Rayon Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb və alovun genişlənməsinin qarşısı alınıb.
Hadisə yerinə rayonun hüquq-mühafizə orqanlarının əməkdaşları da cəlb olunublar.
Yanğının başvermə səbəbləri araşdırılır.
Bizim.Media, Aran bürosu
