İrəvanda atışma: Bir nəfər qətlə yetirildi

Dünən gecə İrəvan şəhərində odlu silahdan istifadə ilə qətl törədilib.

Bizim.Media xəbər verir ki, bu barədə informasiyanı "Shamshyan.com" kriminal saytı yayıb.

Mənbə yazır ki, iyunun 6-da saat 22:10-da polisə Baqramyan prospektində yerləşən 8 saylı poliklinikanın yaxınlığında kişi meyitinin tapılması barədə siqnal daxil olub.

Hadisə yerinə gələn polis əməkdaşları ölən şəxsin bədənində güllə yaralarının izlərini görüblər.

Qətl faktı ilə bağlı cinayət işi başlanıb. Hüquq-mühafizə orqanlarının əməkdaşları tərəfindən cinayətkarın müəyyən edilərək tutulması istiqamətində zəruri əməliyyat-axtarış və istintaq tədbirləri həyata keçirilir.

Cinayətin baş verdiyi yerə toplaşan vətəndaşlar bildiriblər ki, qətlə yetirilən şəxs kriminal aləmdə tanınan "Qnunetsi Varazik" olub.

Bizim.Media