Ermənistanın keçmiş səfiri: Paşinyan hakimiyyətin əvəzinə Meğrini təslim etdi

"Ermənistanın Baş naziri Nikol Paşinyanın bugünkü yayımının ikinci hissəsi belədir: Meğrini təslim edirəm, sadəcə hakimiyyətdə qalmağıma icazə verin..." 

Bizim.Media xəbər verir ki, bu barədə yanvarın 8-də Ermənistanın Vatikandakı keçmiş səfiri, sabiq prezident Serj Sarkisyanın kürəkəni Mikael Minasyan "Facebook" səhifəsində yazıb.

“Əsirlərin geri qaytarılması ilə bağlı çıxışın birinci hissəsi belədir: heç olmasa əsirləri geri qaytarın ki, razılaşdığımız hər şeyi edə bilim".

Onun fikrincə, Meğri qanlı bal kimi heç vaxt xainin (Paşinyan nəzərdə tutulur) əlindən təmizlənməyəcək.

“Nikol qorxur ki, insanlar onun Meğrini təslim etdiyini anlayacaqlar. Və bunu gizlətməyə çalışır. Ən pis halda deyəcək ki, iqtisadi nəqliyyat yolları blokadadan çıxarılmalı, Ermənistandan Rusiyaya yük daşınmalıdır.

Ancaq gerçəklik budur ki, Nikol Meğrini təslim edib. Və o, ermənilərin uzun müddətdir ki, nədən qorxduqlarını həyata keçirəcək.

Qorxu isə Azərbaycan və Türkiyənin hədəflərinə çatmalarına mane olmaq, torpaqlarımızın hesabına erməni xalqı üçün iki düşmən dövlətin birləşməsinin qarşısını almaqdır”- deyə Minasyan yazıb.

Bizim.Media