Təqaüdçü valideynlər 45 yaşlı oğullarını boğaraq öldürdülər

Hazırda oxunan: Təqaüdçü valideynlər 45 yaşlı oğullarını boğaraq öldürdülər

618180

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Rusiyanın Novosibirsk şəhərində yaşlı ər-arvad 45 yaşlı oğullarını "qeyri-əxlaqi davranışlarına görə" amansızlıqla qətlə yetiriblər.

Bizim.Media xəbər verir ki, Rusiya İstintaq Komitəsinin regional idarəsinin məlumatına görə, hadisə iyunun 7-də şəhərin Dzerjinski rayonundakı fərdi yaşayış evlərindən birində baş verib.

Aralarında yaranmış şəxsi ədavət və narazılıq zəminində 79 yaşlı ata və 69 yaşlı ana birləşərək oğullarını boğublar.

Hadisədən qısa müddət sonra yaşlı valideynlər hüquq-mühafizə orqanlarının əməkdaşları tərəfindən saxlanılıblar. Faktla bağlı Rusiya Federasiyası Cinayət Məcəlləsinin "Bir qrup şəxs tərəfindən qabaqcadan əlbir olaraq törədilmiş qəsdən adam öldürmə" maddəsi ilə cinayət işi açılıb.

Artıq müttəhimlərə rəsmi ittiham irəli sürülüb və yaxın vaxtlarda məhkəmə tərəfindən onların barəsində həbs qətimkan tədbirinin seçiləcəyi gözlənilir.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.