Zelenski: “Avropa Rusiyanın 2 milyonluq ordusu qarşısında dayana bilməz” – VİDEO

Hazırda oxunan: Zelenski: “Avropa Rusiyanın 2 milyonluq ordusu qarşısında dayana bilməz” – VİDEO

643953

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Ukrayna Prezidenti Volodimir Zelenski Qərb tərəfdaşlarını hava hücumundan müdafiə (HHM) sistemlərini və raketləri Kiyevə təhvil verməkdən çəkinməkdə ittiham edib. O bildirib ki, bəzi ölkələr öz HHM vasitələrini hər ehtimala qarşı özləri üçün saxlamağa çalışırlar.

Bizim.Media xəbər verir ki, Ukrayna dövlət başçısının sözlərinə görə, müttəfiqlər Kiyevə kömək etməyə hazır olduqlarını desələr də, ilk növbədə öz müdafiələrini təmin etməyi üstün tuturlar.

Zelenski bunun yanlış yanaşma olduğunu vurğulayıb:

“Ukrayna süqut edərsə, Rusiya bizim müdafiə xətlərimizi yararsa, bu addım heç bir ölkəyə kömək etməyəcək. Adi dinc sakinləri raketlər və dronlarla məhv etməyə hazır olan, hər cür vəhşiliyə əl atan bir dövlətə qarşı heç kim təkbaşına müdafiə oluna bilməz".

Zelenski həmçinin xəbərdarlıq edib ki, Rusiyanın hazırda 2 milyona yaxın şəxsi heyətdən ibarət ordusu var və Avropada bu gücdə hərbi qüvvəyə sahib ikinci bir dövlət mövcud deyil:

"Avropa orduları bu miqyasda bir mübarizəyə və müharibəyə hazır deyillər".

Bizim.Media