Rusiyada “Telegram”ın fəaliyyəti bloklanır?

Rusiyada hakimiyyət Telegram messencerinin fəaliyyətinin zəiflədilməsi istiqamətində işlərə başlamaq qərarı verib.

Bizim.Media xəbər verir ki, bu barədə RBC-ya mənbələr məlumat verib.

Onların sözlərinə görə, Roskomnadzor bu gün servisə qarşı qismən məhdudlaşdırıcı tədbirlər görməyi planlaşdırır.

RBC-nin informasiya texnologiyaları sənayesindəki bir mənbəsi və aidiyyəti qurumlardakı iki mənbənin bildirdiyinə görə, hakimiyyət “Telegram”ın Rusiyada fəaliyyətinin yavaşladılması ilə bağlı tədbirlərə başlamaq qərarına gəlib.

İki mənbənin sözlərinə əsasən, Roskomnadzor “Telegram”ın işinin qismən məhdudlaşdırılması üzrə tədbirləri çərşənbə axşamı, 10 fevral tarixində tətbiq etməyi planlaşdırır. RBC-nin digər mənbəsi isə “Telegram”ın sürətinin artıq azaldıldığını bildirib.

Bizim.Media