“Qalatasaray” Çempionlar Liqası matçına ciddi itkilərlə ÇIXACAQ

Hazırda oxunan: “Qalatasaray” Çempionlar Liqası matçına ciddi itkilərlə ÇIXACAQ

582185

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Müəllif: Rəşad Rafiqoğlu

"Qalatasaray" UEFA Çempionlar Liqası Liqa mərhələsinin 5-ci turu çərçivəsində doğma meydanda "Yunion Sent- Jilluaz"ı qəbul edəcək.

Bizim.Media xəbər verir ki, İstanbul təmsilçisi Belçika klubu ilə oyuna ciddi itkilərlə çıxacaq.

Viktor Osimhen, Yunus Akgün, Mario Lemina, Vilfred Sinqo, Berkan Kutlu və Kaan Ayhan bu gün baş tutan oyunöncəsi son məşqdə iştirak etməyib.

Adıçəkilən futbolçular sabah komandaya kömək edə bilməyəcək. Mərc oyunlarında iştirak etdiyi üçün 45 günlük futboldan uzaqlaşdırılan Eren Elmalı da vacib matçda iştirak etməyəcək.

Qeyd edək ki, "Qalatasaray" - "Yunion Sent-Jilluaz" qarşılaşması sabah Bakı vaxtı ilə saat 21:45-də start götürəcək.

Rəşad Rafiqoğlu, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.