Azərbaycan və Gürcüstan arasında yeni sənəd İMZALANACAQ - DETALLAR 

Sentyabrın 28-də Mərkəzi Asiya Regional İqtisadi Əməkdaşlıq (CAREC) Proqramının Gömrük Əməkdaşlığı Komitəsinin 20-ci iclası keçirilib. 

Bizim.Media xəbər verir ki, bu barədə Dövlət Gömrük Komitəsi (DGK) məlumat yayıb. 

Videokonfrans formatında təşkil olunan tədbirə DGK-nın sədr müavini, gömrük-xidməti general mayoru Cavad Qasımov sədrlik edib.  

İclasda Azərbaycan ilə yanaşı, CAREC üzv ölkələrinin nümayəndələri, eləcə də Asiya İnkişaf Bankının, Ümumdünya Gömrük Təşkilatının və BMT-nin Avropa İqtisadi Komissiyasının ekspertləri iştirak ediblər. 
 

MÖVZU İLƏ BAĞLI:

Gürcüstanın Baş naziri Azərbaycana gələcək

C.Qasımov bildirib ki, tədbirin əsas məqsədi ticarətin asanlaşdırılması və sərhəd-keçid proseslərində davamlı təchizat zəncirinin təmin edilməsi, pandemiya və postpandemiya dövründə avtomatlaşdırılma prosesləri və innovativ texnologiyalar, kağızsız ticarətin tətbiqinə dair fəaliyyət, "CAREC inteqrasiya edilmiş Ticarət gündəliyi 2030" və onun "2021-2023-cü illər üçün Strateji Fəaliyyət Planı", eləcə də digər aidiyyəti məsələlər ətrafında müzakirələrin aparılmasından ibarətdir.  

İclasda CAREC nümayəndəsinin təklifi ilə "CAREC-in təkmilləşdirilmiş tranzit sisteminin və məlumatların ümumi mübadiləsinin pilot yoxlanılmasına dair üçtərəfli Saziş" layihəsinin Azərbaycan ilə Gürcüstan arasında imzalanması istiqamətində işlərin başlanılmasına dair qərar qəbul edilib.

Bizim.Media