İrəvan Bakı ilə danışıqların ən effektiv formatını AÇIQLADI

Ermənistanın iqtisadiyyat naziri Gevork Papoyan parlamentdə jurnalistlərlə söhbətində qeyd edib ki, bütün Ermənistan-Azərbaycan prosesi, o cümlədən sərhədlərin demarkasiyası üzrə danışıqlar, xarici işlər nazirləri və dövlət başçılarının görüşləri son vaxtlar ikitərəfli formatda gedir.

Bizim.Media xəbər verir ki, bu barədə informasiyanı erməni mətbuatı yazıb.

“Düşünürəm ki, ikitərəfli format öz nəticəsini verdi. Başqa hansı formatlar var? Kimsə başqa formatla gəlib iştirak edirsə, bu və ya digər şəkildə öz maraqlarını güdür. İkitərəfli format effektiv olduğunu sübut etdi və davam etdirilməlidir”, - Papoyan vurğulayıb.

Xatırladaq ki, ilkin mərhələdə Bakı danışıqların ikitərəfli formatını təkid edirdi, bunu xarici qüvvələrin müdaxiləsindən qaçınmaq və məsələlərin birbaşa həllinə diqqət yetirmək kimi baxırdı. Lakin Ermənistan tərəfi, əksinə, dəfələrlə müxtəlif ölkələri, o cümlədən ABŞ və Fransanı prosesə cəlb etməyə çalışıb.

Bizim.Media