Netanyahu xalqa müraciət edib: “Soyuqqanlı olun!” - VİDEO 

“İsrail vətəndaşları, son illərdə və hətta son həftələrdə İrandan birbaşa hücum ehtimalına hazırlaşır. Hazırda Müdafiə sistemlərimiz hazır vəziyyətə gətirilib. Biz həm müdafiədə, həm də hücumda istənilən ssenariyə hazırıq. İsrail dövləti güclüdür, İDF güclüdür, ictimaiyyət güclüdür”.

Bizim.Media xəbər verir ki, bunu İsrailin Baş naziri Benyamin Netanyahu xalqa müraciətində deyib.

O, bir sıra ölkələrə dəstəyə görə tıəşəkkür edib: “ABŞ-ın dəstəyini, eləcə də Böyük Britaniya, Fransa və bir çox digər ölkələrin dəstəyini yüksək qiymətləndiririk.

Mən aydın bir prinsip qurmuşam - kim bizi incidirsə, biz də incidirik. Biz özümüzü istənilən təhlükədən qoruyacağıq və bunu soyuqqanlılıqla, qətiyyətlə edəcəyik. 

Lakin siz, İsrail vətəndaşları, soyuqqanlı olun. Mən sizi Daxili Cəbhə Komandanlığının göstərişlərinə əməl etməyə çağırıram. Biz birlikdə dayanacağıq və Allahın köməyi ilə bütün düşmənlərimizi birlikdə məğlub edəcəyik”.