- A-
- A
- A+
Beyləqanda ağır qəza: 2 nəfər xəstəxanalıq oldu - FOTO/VİDEO
Beyləqanda ağır yol-nəqliyyat hadisəsi baş verib.
Bizim.Media-nın yerli bürosu xəbər verir ki, hadisə Aran Qəsəbəsi - Bəhrəmtəpə magistral yolunun Beyləqan rayon Türklər qəsəbəsi ərazisindən keçən hissəsində qeydə alınıb.
Belə ki, hərəkətdə olan iki yük maşını bir-birinə çırpılıb, nəticədə iki nəfər müxtəlif dərəcəli bədən xəsarətləri alıb.
Yaralılar, 1990-cı il təvəllüdlü Qasımov Elçin Yaqut oğlu və 1982-ci il təvəllüdlü Qaraşov Vüsal Dilən oğlu təcili tibbi yardım briqadası tərəfindən Beyləqan mərkəzi rayon xəstəxanasına çatdırılıb.
Həkimlərin səyi nəticəsində hər iki yaralı həyatı təhlükəni geridə qoyub.
Əldə edilən məlumata görə, Qaraşov Vüsal Dilən oğlu göz almasının yad cisim olması ilə dəlib keçmiş yarası, ayağın digər və dəqiqləşdirilməmiş hissəsinin əzilməsi səbəbinə görə Bakı şəhərində yerləşən xəstəxanalardan birinə aparılır.
Faktla bağlı araşdırma başlanılıb.
Mətndə səhv varsa, onu qeyd edib ctrl + enter düyməsini basaraq bizə göndərin.
