"Prezident Kuboku" beynəlxlaq təqvim planına salındı

Azərbaycanda avarçəkmə idman növünü inkişaf etdirmək və beynəlxalq səviyyədə tanıtmaq üçün çalışan Azərbaycan Kanoe və Avarçəkmə Federasiyası daha bir uğura nail olub.

Bizim.Media xəbər verir ki, Federasiyanın 4-7 may tarixlərində Suqovuşan və Mingəçevirdə təşkilini planlaşdırdığı Ümumilli Lider Heydər Əliyevin anadan olmasının 100 illik yubileyinə həsr olunan “Prezident Kuboku-2023” beynəlxalq reqatası ilk dəfə Avropa Kanoe Assosiasiyasının təqvim planına daxil edilib.

Assosiasiyanın rəsmi internet səhifəsinin xəbər bölməsində yarışla bağlı məlumat da dərc olunub.

Xatırladaq ki, AKAF-ın 2022-ci il, 21-23 oktyabr tarixlərində təşkil etdiyi “Mingəçevir Reqatası” da Azərbaycan avarçəkmə tarixində ilk dəfə Avropa Kanoe Assosiasiyasının təqvim planında yer almışdı.

Rəşad Rafiqoğlu, Bizim.Media