Tatlıses vəsiyyətini AÇIQLADI: “Bütün sərvətimi dövlətə bağışladım” - VİDEO

Övladları ilə problemləri gündəm olan “İmperator” ləqəbli müğənni İbrahim Tatlıses vəsiyyətini açıqlayıb. 

Bizim.Media xəbər verir ki, bu gün xəstəxanadan evə buraxılan ifaçı jurnalistlərin suallarını cavablandırıb. 

Tatlıses bütün mal-mülkünü dövlətə miras qoyduğunu deyib:
 

“Mirasımı dövlətə bağışladım. Heç birinə qəpik də qoymayacağam. Bəzilərinə görə digərləri də pis vəziyyətdə qalır. Mənə pul atamdan qalmayıb, öz əziyyətimlə qazanmışam. Sataram, dağıdaram, kimə nə? “İbrahim Tatlıses” deyəndə bütün qapılar açılır, amma bundan istifadə etməyi bacarmadılar”.

Qeyd edək ki, İ. Tatlıses böyük oğlu Ahmet Tatlıses və qızı Dilan Çıtak Tatlıses küsülüdür. Bir müddət öncə əməliyyat olunan ifaçının oğlu və qızı ilə xəstəxanada barışdığı deyilmiş, lakin sonradan tərəflər arasında münasibətlər yenidən korlanmışdı.


Bizim.Media