Azərbaycanda siqaretlərin qiyməti BAHALAŞDI 

Bu gün Azərbaycanda bəzi siqaretlərin qiyməti qalxıb. 

Bizim.Media xəbər verir ki, qiymətlər 10-30 qəpik civarında artıb. Satış məntəqələrindən bunu firmaların siqaretləri baha gətirməsi ilə əlaqələndirirlər. 

Ümumilikdə, əvvəlki satış qiyməti 2 manatdan yuxarı olan siqaretlər 30 qəpik, 2 manatdan aşağı olanlar isə 10 qəpik bahalaşıb. 

Məsələ ilə bağlı ölkəmizdə böyük siqaret istehsalçısı olan “Tabaterra” QSC-dən bildiriblər ki, müəssisədə ümumilikdə 100-dən artıq çeşid olmaqla, yerli, o cümlədən də dünyanın ən iri istehsalçıları olan “British American Tobacco”, “Japan Tobacco International”, “İmperial Tobacco Group” kimi şirkətlərə məxsus beynəlxalq brendlər istehsal olunmaqdadır. 

Qurumdan Trend-ə bildirilib ki, “Tabaterra” QSC heç bir siqaretin qiymətini qaldırmayıb:

"Dükanlarda satılan siqaretlərin qiymətlərinə biz nəzarət etmirik". 

Bizim.Media