PKK-nin Türkiyədə həyata keçirdiyi terror aktları, Suriyadan gələn qaçqınların sayının gündən-günə artması, Rusiya və Qərbin xüsusi xidmət orqanlarının aktivliyi qardaş ölkədə daxili gərginliyi getdikcə artırmaqdadır. Bütün bunlar Türkiyə iqtisadiyyatının zəifləməsinə, turizm və s. sektorların tamamilə çökməsinə səbəb olur ki, bu da sadəcə Türkiyə üçün deyil, onunla sıx iqtisadi əlaqələrə malik ölkələr üçün də arzuedilməzdir. İraqda PKK düşərgələrini bombalayn Türkiyənin Suriyada da müharibəyə cəlb olunmaq ehtimalı var ki, bu da rəsmi Ankara üçün hər şeydən öncə ciddi malyyə itkisi deməkdir. Hansı ki, Türkiyənin bu günə qədər də bəzi beynəlxalq layihələri maliyyələşdirməkdə ciddi çətinliklər çəkdiyi kimsəyə sirr deyildi.
Maraqlıdır, Türkiyədə terror
təhlükəsinin artması, stabilliyin pozulması, maliyyə imkanlarının məhdudlaşması Azərbaycan iqtisadiyyatına təsir edə bilərmi? Türkiyənin
hansısa formada hərbi konfilikt və qarşıdurmalarda iştirakı ölkəmizin
iqtisadiyyatı üçün risk təşkil edirmi?
Məsələ ilə bağlı
Moderator.az-ın sualını cavablandıran iqtisadçı-ekspert Vüqar Bayramov baş verənlərin
Azərbaycan iqtisadiyyatına təsir göstərməyəcəyini vurğuladı:
“Azərbaycanla Türkiyə strateji əməkdaşdır. Türkiyə Azərbaycanın
enerji layihələrinin reallaşdırdığı əsas ölkələrdən biridir. Sözsüz ki, Türkiyə
Azərbaycanın ticarət tərəfdaşlarından biri olsa belə, Türkiyə Azərbaycanın əsas
ticarəıt tərəfdaşı deyil. Azərbaycnın əsas ticarət tərəfdaşı Avropa Birliyidir.
Qeyri-neft sektorunda isə əsas yeri keçmiş SSRİ ölkələri tutur. Amma Azərbaycan
və Türkiyə arasında birmənalı şəkildə strateji əməkdaşıq var.
Türkiyədəki gərginlik Azərbaycan
iqtisadiyyatına təsir etməyəcək. Olayların bu konteksidə Azərbaycan
iqtisadiyyatına təsir imkanları yoxdur. Amma proseslər Azərbaycanın enerji
paylarına yanaşmasına təsir edə bilər. Çünki Türkiyə maliyyələşmədə iştirak
edir. Türkiyənin maliyyə imkanlarının məhdudlaşması isə onun bu sahədə layihələşmə
həyata keçirməsinə əngəl törədə bilər.
Terror kəmərlərin təhlükəsizliyi
məsələsini də gündəmə gətirir. Belə davam edərsə, kəmərlərin təhlükəsizliyi ilə
bağlı daha çox iş həyata keçirmək lazım gələcək”x9d.
Seymur Əliyev
