Media rəhbərləri Cavid Hüseynovla bağlı prezidentə müraciət etdi: “Zaminliyə buraxılasın”x9d

Hazırda oxunan: Media rəhbərləri Cavid Hüseynovla bağlı prezidentə müraciət etdi: “Zaminliyə buraxılasın”x9d

91135

Jurnalist Rasim Əliyevin ölümünə görə həbs edilən “Qəbələ”x9d futbol klubunun kapitanı Cavid Hüseynovun zaminliyə buraxılması ilə bağlı bir qrup media təmsilçisi Azərbaycan Respublikasının Prezidenti İlham Əliyev cənablarına və Azərbaycan Respublikasının Baş Prokuroru Zakir Qaralova müraciət edib. Müraciəti olduğu kimi oxucuların diqqətinə çatdırırıq:

“Cənab Prezident
Milli mətbuatın 140 illiyinin dövlət tərəfindən yüksək səviyyədə qeyd olunmasından bir neçə gün sonra jurnalist Rasim Əliyevin ölümü ilə nəticələnən olay hər birimizi içdən ağrıtdı. Mətbuat günündə medianı təltif edən dövlət başçısı kimi Sizin belə ağır gündə baş vermiş hadisəni şəxsən nəzarətə götürməniz sözün həqiqi mənasında mətbuatın dostu olmanızı bir daha təsdiqlədi. Həm bayramımızda, həm də faciəmizdə bizimlə birgə olmanız azad sözə və azad mediaya dövlətin ən böyük dəstəyidir. Mərhum həmkarımızın ölümü bizim hər birimizi kədərləndirdi. Sizin, medianın dostu olaraq, bu hadisəni şəxsən nəzarətə götürməniz həmkarımız Rasim Əliyevin qatillərinin öz cəzasını alacağına tam inam yaradır.
Cənab Prezident!
Baş vermiş cinayətlə bağlı həbsdə yatan “Qəbələ”x9d futbol klubunun oyunçusu Cavid Hüseynov Azərbaycan bayrağının rəqib klubun azarkeşləri tərəfindən təhqir olunmasına etiraz edib. Onun “Qəbələ”x9dfutbol klubunu növbəti mərhələyə çıxaran qolu milli və idman şərəfimizin qorunması idi. Sonradan baş verən olayları istintaq aydınlaşdıracaq və Cavid Hüseynovun bu hadisədə iştirakını müəyyənləşdirəcək.
Cənab Prezident!
Cavid Hüseynovun “Qəbələ ”x9d futbol klubunun növbəti oyununda azarkeş qismində belə iştirakı həm futbolçularımıza, həm də xalqımıza böyük ruh yüksəkliyi gətirərdi. Azərbaycan bayrağının şərəfini qoruyaraq həbsdə olmuş Ramil Səfərovun mümkün görünməyən azadlığına nail olan, dünyanın ən uca bayrağı kimi Bakıda Bayraq Meydanının yaradılmasına imza atan, son Avropa Oyunlarında Azərbaycan bayrağının ucaldılmasından və himnimizin səsləndirilməsindən yüksək qürur hissi keçirən Sizə müraciət edirik. Hazırda həbsdə olan “Qəbələ”x9dfutbol klubunun oyunçusu Cavid Hüseynovun vətənpərvərliyini, bayraq sevgisini, onun ittiham olunduğu maddənin ictimai təhlükəliliyinin az olmasını nəzərə alaraq, futbolçunun məhkəmə hökmünə qədər zaminə buraxılmasına yardımçı olmanızı xahiş edirik!