Bu gün Sumqayıt şəhəri, Babək küçəsinin bir qrup sakini Sumqayıt Şəhər İcra Hakimiyyətinin (ŞİH) binası qarşısında aksiya keçirməyə cəhd edib.
Bu barədə virtualaz.org saytına sakinlər məlumat veriblər.
Şikayətçilər dedilər ki, Babək küçəsində obyekt tikmək üçün qazıntı aparılıb. Nəticədə isə şəhərin kanalizasiya xəttinə ciddi ziyan dəyib: “Dünən - aprelin 6-da 10-cu mikrorayonun sakinləri yollarının üzərindəki obyekt tikintisinə etiraz əlaməti olaraq aksiya keçirdi. Təxminən 60 sakin ərazidə qazılan yerləri dolduraraq yerində 120 ağac əkdi. Biz də ağac əkəcəyik. Amma kanalizasiya xəttini təmir etdirməyə vəsaitimiz yoxdur”.
