Xalqımzın rəsmi bayramlarından biri olan “15 iyun Milli Qurtuluş Günü”x9d hər il dövlət səviyyəsində anılır. Tədbirlər təşkil olunur, paytaxtda əsl bayram ab-havası hiss olunur.
Bu günün həyatımızdakı önəm və dəyəri, əhəmiyyəti haqqında Azərbaycan Yazıçılar Birliyinin I Katibi, Xalq Şairi Fikrət Qoca Moderator.az saytına açıqlama verib.
Milli Qurtuluş gününün dövlətçiliyimizdə, ölkəmizinin müstəqilliyində əvəzsiz rolu olduğunu vurğulayan Xalq Şairi, 15 iyun münasibətilə Azərbaycan Yazıçılar Birliyində də tədbir təşkil olunacağını qeyd edib.
“Prezidentimiz Milli Dirçəliş Günü münasibətilə hər il tədbir təşkil edir, bu günün tarixi əhəmiyyəti, həyatımızdakı yeri barədə geniş məlumat verilir. Azərbaycan üçün bundan daha önəmli bir gün demək olar ki, yoxdur.
Azərbaycan Yazıçılar Birliyi də Qurtuluş Günü münasibətilə tədbir təşkil edəcək, sənət, söz adamları toplanıb poeziya günü keçirəcək. Yeni şeirlər oxunacaq, bu günə həsr olunmuş əsərlər, yazılar dilə gətiriləcək. Əslində elə sənət adamlarının bayramı belə olur, bir yerə yığışırıq, hərə bir şeir oxuyur, bax beləcə bayram etmiş oluruq".
Xalq şairi onu da qeyd edib ki, bu il Qurtuluş günü Bakıda keçiriləcək Formula 1”x9d yarışları ilə eyni vaxta təsadüf etdiyindən AYB bayram tədbirini başqa gün qeyd edəcək: "Bizim qurumun yarışların keçiriləcəyi yolun üstündə yerləşməsi səs-küyün olmasına səbəb olacaq. Bu səbəbdən gərək Qurtuluş gününü elə bir gün təşkil edək ki, şəhərdə sakitlik olsun.
Qurtuluş günü münasibətilə, həmçinin yazarlarımızın məktəblilərlə görüşləri təşkil edib, təhsil ocaqlarında keçirilən bayram tədbirlərində iştirak edirik və edəcəyik".
Kəmalə Yusifli
