"TikTok" şirkəti 2023-cü ildə Böyük Britaniyanın İnformasiya Komissarı Ofisi (ICO) tərəfindən kəsilmiş 12,7 milyon funt-sterlinq (16,8 milyon dollar) məbləğindəki cərimə ilə bağlı verdiyi apellyasiya şikayətini geri götürüb.
Bizim.Media xəbər verir ki, bu barədə TASS agentliyi məlumat yayıb.
Bildirilib ki, şikayətin geri götürülməsi qərarı cərimənin ödənilməsi barədə sərəncamın qəti olaraq qüvvəyə minməsi deməkdir.
Böyük Britaniyanın İnformasiya Komissarı Ofisindən (ICO) bildirilib ki, "TikTok" cərimədən şikayət etmişdi, lakin indi apellyasiyanı geri götürüb, bu isə cərimə qərarının qəti olaraq qüvvəyə minməsi deməkdir.
Sanksiyanın tətbiq edilməsinə səbəb 13 yaşından kiçik uşaqların fərdi məlumatlarının işlənməsi qaydalarının pozulması olub. ICO-nun məlumatına görə, 2020-ci ildə xidmətin qaydalarında qeydiyyatdan keçməyə icazə verilməməsinə baxmayaraq, həmin yaşda olan təxminən 1,75 milyon britaniyalı uşaq "TikTok"dan istifadə edib.
Böyük Britaniya qanunvericiliyi şirkətlərdən 13 yaşından kiçik uşaqlara onlayn xidmətlər göstərərkən onların valideynlərinin və ya qəyyumlarının məlumatların işlənməsinə dair razılığını almağı tələb edir.
Bizim.Media
